Jump to content

Maslak-E- Ala Hazrat Aur Dawat-E-Islami Sunniyat Ki Pehchaan


Najam Mirani

تجویز کردہ جواب

Assalam-o-Alaikum Agar aap haqiqat jan na chahte hain to zaroor is note ko padhen....

 

 

(Hadees-e-pak Mafhum) Rasoolallah(Sal llalaho Alaihiwasallam) Ki badi Maroof aur Mashhoor Hadees-e-Pak hai Jis me Sarkar (Alaihisalam) ne Sahaba Ikram (Ridwanullahi ta’ala alaihim ajmaeen) se Farmaya:“ Meri Ummat me 73 firke Honge..! 72Jahannam me Jayenge..! Sirf ek Jannat me Jayega..!” Sahaba Ikram ne Jab Arz kiya “ Ya Rasoolallah(Sal llalaho Alaihiwasallam) , Vo Jannati firka Kaun hai, Uski Pehchan kya hai ”Huzoor(alaihi salam) ne Farmaya: “Jis par main hun Aur meray Sahabi hain” (Subhan Allah).Huzoor (Salllalaho Alaihi wasallam) Ka ye Mubarak Javaab Kaabil e-gaur hai, Aur Is me Beshumar Hikmate bhari hui hain. Aur Agar Koi shaks Is Hadees-e-Pak Ko Muhabbat Aur Sachhe Dil Se Samajh le to Zarur Haq Aur Batil Ko Pehchaan lega..(Insha Allah Azzawajal) Jab Sahaba Ikram(Ridwanullahi ta’ala alaihim ajmaeen) ne Sawaal Kiya to Huzoor(Salllala hoAlaihiwasallam) Ka itna farma dena hi Kaafi tha ke “Jo Mere Raste Par chale,Vo Jannati hai” Lekin Huzoor(Alaihi salam) ne Ye kyu Farmaya “ Jis Par Main hun Aur mere Sahabi hain”.Is se Saaf Zahir Ho gaya ke Huzoor (Salllalaho Alaihi wasallam) ne Apni Deen-e-Haq ki Pehchaan ke Liye Apne Sachhe Ghulamon ka Intekhaab Farmaya..Tamam duniya walon ko Zehen Diya Ae Logo , Mere Parda Farmane ke Baad agar Deen-e-haq Sikhna Ho to Mere Sahaba se Sikhna Aur Jo unke Khilaf ho to Vohi Gumraah aur Bad mazhab hai.Is se Pata Chalta hai ke Deen e Haq ki Pehchan ke Liye Allah Ta’ala Aur Uske Pyare Habeeb ne Har Daur me Apne Sachhe Ghulamon ka Intekhaab Farmaya.Jab Huzoor(Salllala ho Alaihiwasallam) ne Hamari Ankho se Parda farmaya“to Jannatiyon ki Pehchaan Sahaba Ikraam hue,Ek Daur Aaya Jab Kalma Padne walon ne Zakat ka Inkaar karna shuru kiya” To Haq ki Pehchan Abu Bakr Siddiq Radhay Allah Anho howay”, Farooque Azam Radhay Allah Anho Howay ,Usman-e-Zunnurain Radhay Allah Anho howay, Maula Ali Radhay Allah Anho howay,Yahi Nahi Jab Karbala Ka wakiya Pesh Aaya Yazidi Bhi Usi Nabi ka kalma Padte the,Bazahir Hukumat bhi Yazid ki thi, Badi Tadaad Yazid ke Paas thi “Lekin Haq ki Pehchaan Husain-e-Azam Radhay Allah Anho Aur unke 72 Afraad ke lashkar se hui”Jab Sahaba Ikram ne Is Duniya-e-fani se Parda Farmaya to Jannatiyon ki Pehchaan “Tabaeen Hue” ( Yani Jinhone Sahaba Ikram se Deen Ko sikha)Isi Tarah Se Kabhi Ek Daur me Deen –e-Haq ki Pehchan Sarkar Gaus-e-Azam Huey, Kabhi Sarkar Gareeb Nawaz Huey, Kabhi Sarkar Mujaddid Alf-e-Saani Huey.Allah Ta’ala ne apne Fazl se Zarurat ke Waqt me Apne Deen ki Hifazat ke liye Apne Mehboob Bando ko Paida Farmaya Aur un hi ke Naam Se us Daur Me Deen-e-Haq ki Pehchaan Hoti Rahi…14vi Sadi me Jab Hind me Kuch gustakh firqon ne Rasool-e-Azam,Tamam Nabiyon ke Sardar Muhammadur Rasool allah(Sallalaho ­Alaihiwasallam) Ki Shaan me Gustakhiyan karna Shuru kiya,Aur Logon ko Ye Napak Zehen Dena Shuru Kiya ke Nabi ka khayal Namaz me aaye To Vo Namaz me Zina ke Khayal se bhi Badtar hai(Ma’azallah) .Aur Un Gustakhon ne yahan tak kaha ke Nabi Mar ke Mitti me Mil gaye, Aur Nabi ka ILM-e-Ghaib to Aisa hai Jaise Pagalon, Janwaro Ka hai..(Ma’az Allah)Logon ko Ye zehen diya ke sirf Allah Ta’ala ko mano Rasooallah(Sall alaho Alaihiwasallam) kiTazeem ki koi Zarurat nahi!”(Ma’az Allah) Jab ke Sach to ye hai ke Sahaba Ikram ka to Ye Amal tha Jab vo Namaz me Hote Aur Huzoor(alaihi salaam) Unhe Bulate to Namaz Chorr Kar Huzoor Ki Bargah me Hazir Hote, Aur Phir Lautne Par vahin se Rakat Padte jahan se vo gaye the, Aur Unhe Aisa karne Ka Hukum Khud Allah Ta’ala ne Quran Sharif me Diya hai ”Jabke Hadees –e-Pak me Hai Huzoor(sallalah o Alaihi wasallam) Ne Farmaya: “Allah Ta’alaNe Mitti Par ye Haram kar diya hai ke vo Nabiyon ke Jism ko khaye, Allah ke Nabi Zinda Hain Aur Rizq Diye Jate Hain.”Aur Aisi Beshumar Gustakhiyan J oKoi khula Kafir bhi na kare, Vo Bazahir Kalma Padne Waale Wahabi/ Deobandi ne kiya.Aisa Badtar Mahol Paida ho gaya tha, koi(Ma’azallah) Allah Ta’ala ko Jhoot bolne par qadir keh kar Allah Subhan wata’ala ki Shaan me gustakhi kar raha tha…Koi shia Bankar Sahaba Ikraam Ki shaan megustakhi kar raha tha, Koi Wahabi/ Deobandi kehla kar Ahle Bait Ki shaan me gustakhi Kar raha tha, Koi Nabiyon aur waliyon ke Ikthiyarat ka Inkaar kar raha tha,Jab Aise Jhoote Kalme Padhne Waale, Jhooti Namaz Padhne Waale…Logon ka Imaan Barbaad Kar rahe the Aur Allah ke mehboob bandon Ki Azmat Aur Muhabbat Logon ke dilon se Nikal rahe the…To Allah Tabarak wa Ta’ala ne Phir Hum Par Karam Farmaya Aur Apne Nabi Ki Azmat ka Parcham Buland Farmane k Liye, Bareilly Shareef ki Sar-Zameen Se IMAM AHMED RAZA Alaihi Rehma Ko Paida Farmaya”(Subhan Allah)Vo IMAM AHMED RAZA Alaihi Rehma Jis ne Tamam Gustakhon Ko ,Tamam Munkiron ko Quran Sharif Aur Hadees-e-Pak Se Unke Jhoote Aqeede ka Munh tod Javaab Diya, Aur Rasoolallah (Sallalaho Alaihi Wasallam) ki shaan me Gustakhi ki bina par Unka Kufr Saabit kiya.Aur Sunniyat ki Haqqaniyat ka parcham lehrayaa. Aur Rasoolallah (SallalahoAlaihi Wasallam) ki Azmate Bayan Karte Hue Ilm ka Darya Baha Diya…..Aur Apne Aqa ki Bargah me Yu Arz Kiya :“Tu Zinda Hai Vallah Tu Zinda Hai Vallah,“Tu Zinda Hai Vallah Tu Zinda Hai Vallah,Meri Chasme Alam Se chhup Jaane Waale”Aur Farmaya:Ya RasoolAllah(Sal lalaho Alaihiwasallam)“Aur Koi Gaib kya,Tums e Niha ho Bhala Jab na khuda hi chhupa..Tum Pe Karodon Durood” Aur Hum Jaise Karodon Musalamano Ke Imaan o Aqeede Ki Hifazat ki Aur Unki Is Khidmat aur Baatil ko Benaqaab Karne par,Arab-o-Ajam Yani Saari duniya ke Ulma-e-Karam Ne aap ko 14vi Sadi Ka Mujaddid Karar Diya Aur Aap ko“ALA HAZRAT ” Ke Mubarak Alqab se Nawaza.Ye us waqt ke Arab ke Ulma-e-Kiram the Jab1200 saal se Harmain Sharifain me Sunniyon ki Hukumat thi, Aj kal ke Najdi/wahabi ki zalim hukumat jo zabardasti kabza karliya hai us ko sirf 100 saal hue hain. Jab In gustakho ki Asliyat saamne Aa gayee to ab ye Gustaakh bhi Apne Aap ko sunni kehne lage the, Ahle Sunnat Wal Jamaat kehne lage the….Zaroorat thi ke Sachhe Sunni Aur Jhoote Naam ke Sunni Ko Pehchan ne ke liye koi tarika muqarar kiya jaye: Us waqt ke Ulama Farmate the Ke ‘Hind Se Jab koi Musalmaan Ata Hai to hum Us se Ahmed Raza Alaihi Rehma Ke Baare Me Poochte hai, Agar Vo Unki Taarif Karta tha to Hum Samajh Jate the ke Ye Sunni Imaan Wala hai,Aur Agar Hind se Aane wala Ahmed Raza Alaihi Rehma Ki Burai karta tha to hum samajh lete the ke ye Ahle-Biddat hai, Gustakh hai’Us waqt se Sari Duniya Me Imaan Wale Sunniyon ki Pehchaan IMAM AHMED RAZA Alaihi Rehma ban gaye.Isliye Ulma-e-Arab-o-A jam ne Imaan waale aur gustakhon ki Pehchan ke Liye MASLAK-E-ALA HAZRAT kehna shuru kiya. Aur Allah ta’ala aur Uske Pyare Habeeb (sallalahoalaih ­iwasallam) ki Raza bhi Isi me thi warna Aaj duniya ke Har kone me Maslak-e-Ala hazrat ki gunj na hoti aur isi gunj ko Dawat-e-Islami ne dunya ke 180 countries mein ponhchaya hai -AlaHamdo Lillah ,magar kuch naam nihaad fitne baaz log apni shohrat karane ke liye dawat-e-Islami ke khilaaf propaganda kar kar rahe hain ke Dawat-e-Islami Maslak-e-Ala Hazrat par nhi hai , asal mein ye naam nihaad fitne baz log Dawat-e-Islami se hasad ki waja se ye propaganda kar rahe hain kyun ke in naam nihaad fitne baz logon ki dukaanen ab bund ho gayee hain , log ghar bethe deen-e-Islam seekh rahe hain Madani Channel ke zariye , to in naam nihaad fitne bazon ko koi poochta bhi nhi yehi waja hai ke ye log Dawat-e-Islami ke khilaf propagandaa kar rahe hain ta ke log Dawat-e-Islami ki taraf koi raagib na hon aur ye bhole bhaale log hamare pas aa jain aur hum apne pet ki piyas bhujain …Ye Sab se bada saboot hai Ke Allah ta’ala jise chahta hai Izzat bakshta hai.Isliye shaayar ne kya khub kaha Sab Un se Jalne walon ke gul hogaye charaag Ahmed Raza Alaihi Rehma ki shamma faroza hai aaj bhi.Aur Ab Is Daur Me “MASLAK-E-ALAHA ZRAT aur Dawwat-e-Islami Deen-e-Haq ki Pehchaan Hai.MASLAK-E-ALAHAZ RAT hi vo Maslak hai aur Dawat-e-Islami hi wo Tehhreek hai Jo Is Hadees-e-pak Par Sahi mana me Amal Kar rahi hai “Jo Mere Aur Mere Sahaba Ke Tarike Par ho”(Hadees-e-Pa k) . Aaj agar koi Banaam Sunni Is “Maslak-e-Alaha zrat” ke Naare Par aur Dawat-e-Islami par Aitraz karta hai to Usay Sochna Chahiye Ke Allah Ta’ala aur Us ke Pyare Habeeb ne Har Daur me Kisi na Kisi Ko Apne Deen Ki Pehchaan Ke liye Chuna, Is Daur me ALA HAZRAT Alaihi Rehma aur Dawat-e-Islami Ko Is Khidmat se Nawaza,Lihaza Is me kisi ko koi Hasad Ya Jalan Nahi Rakhna Chahiye. Balke Humen ALAHAZRAT aur Dawat-e-Islami ka Shukr Man'na Chahiye ke Agar Vo Hamare Imaan Ki Hifazat Na karte aur In Munafiq jamaat o ke Kalma ur Namaz ke Piche Chupe hue Kufr Ko Benaqab na karte,To Kya Hota? Dawt-e-Islami me Ala Hazrat ke kitab Husaam -ul -Harmain fi Tamheed-ul-Imaan ko chaap kar dunya bhar mein poncha kar munafiq jamaato ko bay naqaab kiya hai , is kitab mein Ala Hazrat ne Quran-o-Hadees se aur khud deobandoyon wahabiyon ki kitabon se kafir sabit kiya hai .

Dawate islami k muballegin FI SABI LILLAH bayan karte aur taveezat dete hai, muft me darul ifta se fatwa diya jata hai, muft me arabi ki taalim di jaati hai, ab AL-HAMDULILLAH MADNI CHANNEL k zariye ghar ghar deen sikhaya ja raha hai, to lakhon rupees lekar taqreer karne waale fitne baz logon ki aamadni incom band ho gai hai, to ab kya karenge ye be rozgaar muft me baithe baithe fitna faila kar naam kamana chah rahe hain, paapi pet ka sawal hai, warna inko janta hi kaun hai, bas zabardasti ka bada banne ki hasad ne aaj inka ye haal kiya,ek baat hai dosto, naam kamane ke do tariqay hain... ek achchay kam karo to naam hoga.... dusra tariqa kisi achchay kaam karne walo ki burai karo to bhi naam hoga, bas ye log yahi kar rahe hain,aaj ye log naam kamane k liye zabardasti dawate islami k pichhe pade howay hain ta ke inko bhi aalami shohrat mil jaaye, warna inke naam se bhi bohat kam log waqif the bas ab yahi ek raasta hai naam kamane ka surkhiyon me aane ka, bhale is se puri sunniyat me ikhtelaaf ho, log inse badzan hokar wahabio k haththe chadh jaaye apna kisi ka imaan barbad ho inko koi parwah nahi bas naam hona chahiye, ye naam nihaad fitne baz log apni ANA me FANA hain, apni jhuti SHAAN me PARESHAAN hain , ab to had ho gayee ye nihaad fitne baz log jhoot bhi bolne lage hain kehte hain dawate islami wahabi jamaat jamate islami se mushabeh hai aur dawate islami waale wahabiyon ke peechay namaz parhte hain.(Maaz Allah Summa Maaz Allah). ye baat in fitne baz logon ko 25 saal baad yaad aayee hai , bas hasad kahan jaye bhaiyo , bhaiyo ye hasad hi tha jis se shetan kafir wa lanti ho gaya.

Aye musalmano Apne iman ko bachao Deobandiyon ,wahabiyon etc bad mazhab logon se door raho Dawat-e-Islami ke Madani Maahol mein aa jao , is se aap ko dono jahanon ki bhalaiyan Naseeb Hongi (In Sha Allah Azzawajal )........J­azak Allah Khaira

Link to comment
Share on other sites

بحث میں حصہ لیں

آپ ابھی پوسٹ کرکے بعد میں رجسٹر ہوسکتے ہیں۔ اگر آپ پہلے سے رجسٹرڈ ہیں تو سائن اِن کریں اور اپنے اکاؤنٹ سے پوسٹ کریں۔
نوٹ: آپ کی پوسٹ ناظم کی اجازت کے بعد نظر آئے گی۔

Guest
اس ٹاپک پر جواب دیں

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
  • حالیہ دیکھنے والے   0 اراکین

    • کوئی رجسٹرڈ رُکن اس صفحے کو نہیں دیکھ رہا
×
×
  • Create New...