پارہ نمبر 30 - سورۃ نمبر 114 [ سورۃ الناس ] ( آیت 1 تا 6 مکمل ) - اللہ کے نام سے شروع جو نہایت مہربان رحم کرنے والا سورۃ الناس بقولِ اصح مدنیّہ ہے ، اس میں ایک رکوع ، چھ 6 آیتیں ، بیس20 کلمے ، اناسی 79 حرف ہیں ۔ ترجمہ کنزالایمان --- تفسیر خزائن العرفان ۔۔۔۔۔۔۔۔۔۔۔۔۔۔۔۔۔۔۔۔ آیت نمبر 1 ترجمہ: تم کہو میں اس کی پناہ میں آیا جو سب لوگوں کا رب۔ تفسیر: سب کا خالق و مالک ۔ ذکر میں انسانوں کی تخصیص ان کی تشریف کے لئے ہے کہ انہیں اشرف المخلوقات کیا ۔ ۔۔۔۔۔۔۔۔۔۔۔۔۔۔۔۔۔۔۔۔ آیت نمبر 2 ترجمہ: سب لوگوں کا بادشاہ۔۔ تفسیر: ان کے کاموں کی تدبیر فرمانے والا ۔ ۔۔۔۔۔۔۔۔۔۔۔۔۔۔۔۔۔۔۔۔ آیت نمبر 3 ترجمہ: سب لوگوں کا خدا۔ تفسیر: کہ الٰہ اور معبود ہونا اسی کے ساتھ خاص ہے ۔ ۔۔۔۔۔۔۔۔۔۔۔۔۔۔۔۔۔۔۔۔ آیت نمبر 4 ترجمہ: اس کے شر سے جو دل میں بُرے خطرے ڈالے، تفسیر: مراد اس سے شیطان ہے ۔ ترجمہ: اور دبک رہے تفسیر: یہ اس کی عادت ہی ہے کہ انسان جب غافل ہوتا ہے تو اس کے دل میں وسوسے ڈالتا ہے اورجب انسان اللہ کا ذکر کرتا ہے تو شیطان دبک رہتا ہے اور ہٹ جاتاہے ۔۔۔۔۔۔۔۔۔۔۔۔۔۔۔۔۔۔۔۔ آیت نمبر 5 ترجمہ: وہ جو لوگوں کے دلوں میں وسوسے ڈالتے ہیں ۔۔۔۔۔۔۔۔۔۔۔۔۔۔۔۔۔۔۔۔ آیت نمبر 6 ترجمہ: جن اور آدمی تفسیر: یہ بیان ہے وسوسے ڈالنے والے شیطان کا کہ وہ جنّوں میں سے بھی ہوتا ہے اور انسانوں میں سے بھی جیسا شیاطین جن انسانوں کو وسوسے میں ڈالتے ہیں ایسے ہی شیاطین انس بھی ناصح بن کر آدمی کے دل میں وسوسے ڈالتے ہیں پھر اگر آدمی ان وسوسوں کو مانتا ہے تو اس کا سلسلہ بڑھ جاتا ہے اور خوب گمراہ کرتے ہیں اگر اس سے متنفر ہوتا ہے تو ہٹ جاتے ہیں اور دبک رہتے ہیں ۔ آدمی کو چاہئے کہ شیاطین جن کے شر سے بھی پناہ مانگے اور شیاطین انس کے شر سے بھی۔ بخاری و مسلم کی حدیث میں ہے کہ سیّدِ عالَم صلی اللہ علیہ وآلہٖ وسلم شب کو جب بسترِ مبارک پر تشریف لاتے تو اپنے دونوں دستِ مبارک جمع فرماکر ان میں دم کرتے اور سورۂِ قُلْ ھُوَاللہُ اَحَد وَقُلْ اَعُوذُ بِرَبِّ الفَلَقِ اور قُلْ اَعُوۡ ذُبِرَبِ النَّاس پڑھ کر اپنے مبارک ہاتھوں کو سرِ مبارک سے لے کر تمام جسمِ اقدس پر پھیرتے جہاں تک دستِ مبارک پہنچ سکتے یہ عمل تین مرتبہ فرماتے۔ وَاﷲ تَعَالٰی اَعْلَمُ بِمُرَادِہٖ وَاَسْرَارِ کِتَابِہٖ وَاٰخِرُ دَعْوَانَآ اَنِ الْحَمْدُ اللہِ رَبِّ الْعَالَمِیْنَ وَاَفْضَلُ الصَّلٰوۃِ واَزکَی السَّلامِ عَلٰی حَبِیْبِہٖ وَسَیِّدِ اَنْبِیَآئِہ وَرُسُلِہٖ سَیِّدنَا مُحَمَّدٍ وَاٰلِہٖ وَاَصْحٰبِہ اَجْمَعِیْنَ '' ***************************** یہاں پر بیان ہونے والا تمام تر، ترجمہ و تفسیر دعوتِ اسلامی کی ویب سائٹ سے کاپی کیا گیا ہے۔ اس آیت کے ترجمہ و تفسیر کو دعوتِ اسلامی کی ویب سائٹ پر پرھنے کے لئے نیجے دیئے گئے لنک پر کلک کریں۔ اور تھوڑی دیر انتظار کریں کہ اوپر بیان کی گئی سورہ مبارکہ خود کار طریقہ سے کھل جائے۔ -http://dawateislami.net/quran/tafseer#section:surah_114.1 - ۔
