Jump to content

Munazra: Allamah Saeed Assad VS Allamah Asif Jalali


MuhammedAli

تجویز کردہ جواب

Allamah Saeed Ahmad Assad Sahib, aur Allama Asif Jalali Sahib, kay darmiyan ... MUNAZARA ... ka drama shoroon heh. Aur mazay ki baat yeh heh kay DONOON PARTIYOON KAY NAZRIAT BILQUL AIK DOSRAY JAISAY HEN SIRF ILFAAZ KA FARQ HEH.

Allamah Saeed Assad Sahib ki Video time, 9:35, ko sunneh, aur phir poori aur ba-ghor say sunneh :
 


Allamah Asif Jalali Sahib ki Video ka 23:10 say agay ka bayan sunneh:
 

 

Link to comment
Share on other sites

Aik aur baat, Allamah Asfi Jalali Sahib ka nazria RasoolAllah (sallallahu alayhi wa aalihi was'sallam) ka azal say Nabi honay ka nazria ... shirkia ... heh. Tawheed seminar karnay walay ko yeh bi abhi taq samaj nahin. Azal say sirf Allah (subhanahu wa ta'ala) ki Zaat, Sifaat, aur a'afaal hen. Joh zaat azali nahin us ki sifaat azali nahin, aur joh darjaat deeyeh gay woh bi azli nahin. Joh baat Allamah Saeed Assad Sahib nay bayan ki bilqul darust aur Tawheed kay mutabiq heh aur Hadith e Adam ko mad e nazr rakha jahay toh ... Nabi thay ... yehni pehlay hi thay ... toh mana nikal sakta heh kay Nooraniat stage par hi Nabi thay. Nabuwat ko Nooraniat say jora. Nooraniat, say aur us say aaj taq Nabi hen ... Joh RasoolAllah (sallallahu alayhi wa aalihi was'sallam) ko Azli Nabi mannay wala Mushrik heh. Aur mein Allamah Asif Jalali Sahib ko Mushrik nahin tehra raha nah Fatwah Kufr ka deeya heh ... sirf bataya heh kay kharabi kia heh in ka nazriyeh mein ... Allamah Asif Jalali Sahib nay munazra kay jalal mein hosh kho bethay hen. Kohi mujahid in ki dari shareef ko pakr kar toba ka mutalba karay aur tajdeed e nikkah bi karwa leh in ka. Bila waja fasaad pehla rahay hen. Adkar bachoon ki chavloon mein aah kar in'noon nay Allamah Saeed Assad kay khilaaf mahaaz khara kar leeya heh. Ya yeh donoon pagal hen ya phir mein pagal hoon.

Edited by MuhammedAli
Link to comment
Share on other sites

Allamah Asif Jalali Sahib kay AZLI NABI walay qawl ko aap nay sun leeya ... abh yeh sunneh ... jin mein janab khud apnay hi qawl kay khilaaf baat kar rahay hen. Aik jaga Nabuwat azal say thee abh agay walay mein Adam alayhis salam say qayamat taq:
 


Mein nay Mushrik bana-neh ka cruise missile Allamah Sahib ko nahin marna is waja say in ka asli nazria idhar pesh kar deeya. Pehlay toh mera dil aya thah kay mein bi YOUTUBE par char jahoon aur MUNAZRA KA CHALLENGE doon ... tum sabat karo azal say Nabi thay ... mein sabat karoon ga tum mushrik ho ... phir kia heh ... Allamah, Munazra e Islam, Professor, Imam e Tawheed, waghayra kay alqab meray naam saath lagtay aur mein bi ... kitaboon kay dehr mein beth kar challenge karta ... kia in ki izat rehti aur kia meri banti ... nah yeh toba kartay aur nah mein mushrik mushrik karnay say baaz ata ... fatwah par fatwa lagata aur MUFTIYAN E KIRAM SAY LAGWATA BI ... phir kia mein jistera cha'wal Fazal Ahmad Chishti Imam e Ghayrat bana heh ... mein Imam e Tawheed ban jata ... Magr Allah ka Shukr, Allah ka karam, kay Ahle Sunnat ka mukhlis banaya aur khidmat karnay ki tofeeq deeh aur aqal e saleem deeh. Sirf apni jhooti izzat aur mashorgi wasteh yeh sab fasaad daal huwa heh inoon nay.
 

Edited by MuhammedAli
Link to comment
Share on other sites

Joh asal ikhtilaaf heh woh yeh heh kay kia Nabi e kareem tamam Nabiyoon kay Nabi aur tamam Ummatoon kay Nabi hen ya nahin ... is par arz heh kay Allamah Saeed Assad Sahib, Sayyidi Ala Hazrat (rahimullah) kay maslak say door hen, aur in kay khilaaf joh mowaqif Allamah Asif Jalali Sahib ka heh darust heh ... Allamah Saeed Assad Sahib aur in kay ustad e moteram Allamah Ashraf Sialvi (rahimullah) ko pata nahin kiss pagal kuttay nay kata heh kay Jammat kay nazria say door ho gay hen. Yeh Maulvi Sahib hen ... inoon nay sab Sunniyoon ... bilkhasoos jin ka kibla e ilm Sayyidi Ala Hadhrat hen ... un wasteh masla ki wazahat kar deeh ... mahir bani kar kay complete video sunneh.
 

 

Link to comment
Share on other sites

Lamba kissa mukhtasar ... donoon partiyan Nabi Adam alayhis salam kay pehlay zamanay say leh kar pedaish taq, aur pedaish say ilaan e nabuwat taq, aur ilaan say dunya say parda poshi taq, aur parda poshi say aaj taq donoon partiyan Nabi manti hen ... YEH FASAD TOH KHATAM HUWA ... Joh asal masla peechey reh gaya heh woh yeh heh kay kia Nabi e kareem (sallallahu alayhi wa aalihi was'sallam) Nabiyoon kay Nabi aur un ki ummatoon kay Nabi thay ya nahin ... yeh asal ikhtilaf heh ... Allamah Saeed Assad Sahib Taweel kartay hen kay Nabi honay ka hukm jaari huwa thah ... misaal tor par jistera police walay ko police wala bana deeya jata heh magr us ka mansub taq shoroon hota heh jab woh  apni job shoroon karta heh ... istera kay maneh mein Allamah Saeed Assad Sahib Nabi mantay hen ... yehni mansub e Nabuwat ata thah magar ilaan e nabuwat bad mansub par amal shoroon huwa ... in kay bar khilaaf nazria yeh heh kay aap sallallahu alayhi wa aalihi was'sallam tamam Nabiyoon kay Nabi thay, yehni tamam Nabi aur un ki ummaten aap kay Ummati hen, aur qayamat taq tamam makhlooq kay Nabi hen is leyeh hasil yeh huwa kay sab Nabiyoon ko Nabuwat aap say milli ...

Link to comment
Share on other sites

Sifaat Zaat say mutasif hoti hen. Joh zaat azal say nahin us ki kohi sift bi azal say nahin. Aur agar kissi sift/khoobi ko azal say kissi zaat say mutasif mana jahay toh phir zaat ka azal say hona lazam huwa. Makhlooq ki zaat/sifaat ko azal say manna Shirk heh. Aap kissi  Mufti say rabta kar kay pooch lenh. Kissi aur ko kia zehmat denh gay aap Allamah Asif Jalali Sahib say hi pooch lenh. Poochen: "Bandeh mein ko aur us ki kissi khoobi/sift azal say manay jahay toh Shirk lazam huwa ya nahin?" Yeh jawab hasil kar lenh toh phir RasoolAllah ka azal say Nabi honay ka poochyeh ga yeh Shirk heh ya nahin. Agar inqaar keeya toh phir Taweel keren gay keh Azal ka haqiqi mana murad nahin balkay ... aur hukm shirk haqiqi manay parh banta heh ... taweel azal ki yeh hogi Adam alayhis salam kay jism shareef kay takhleeq say pehlay aur Nooraniat say Nabi honay ... par itlaq azal keeya heh.

 

Link to comment
Share on other sites

 جب ازل کے دوسرے معنی بھی ہوتے ہے اور آپ کو اس کا علم بھی بھلے سے اسے تاوئل کہے لے تو کیا جہاں تاویل ممکن ہوں وہاں تاوئل کو چھوڑ کر تجدید ایمان و نکاح کا حکم دینا کس اصول پر جایز ہوا ؟؟؟

Link to comment
Share on other sites

Salam alaikum, Mushtaq bhai, lafz azal mein nay istimal keeya heh ... Allamah Asif Jalali Sahib nay ilfaz ... HAMESHA SAY NABI HEN ... Video recording 23:15 say agay sun lenh ... Arabi ibarat kay baad tarjuma kartay hen. Is mein aap Taweel ki kunjaish nikaal kar bataden. Hamesha mana da'im, nit, sada, qadeem mein mustamil hota heh. Allamah Sahib ka aqeedah agar is kay zahir par heh toh phir jaisay wazahat kar chuka yeh Shirk heh. Magr mein janta hoon kay asal Arabi ibarat mein lafz azal istimal huwa heh joh hamesha kay ham mana mein bi istimal hota heh aur azal mana intiha-hi lamba arsa joh shumaar mein ana mushkil ho is mana mein bi azal Arabi mein istimal hota heh. Asal ibarat mein mana azal is aakhiri mana mein istimal huwa jis waja say Arabi ibarat walay par kuch ihtiraz nahin. Allamah Sahib nay tarjumein mein khata kar deeh baat itni si heh. Magr joh nuqta mein pehlay bayan kar aya hoon us khata par 100% jaiz heh. Aur mein bi janta hoon kay Allamah Sahib ka yeh nazria har giz nahin kay RasoolAllah hamesha say Allah kay saath thay aur hamesha say Nabi thay. Allamah Sahib ka nazria wohi heh joh mera, joh aap ka, aur joh tamam Sunniyoon ka heh. Is leyeh Allamah Sahib par hukm Kufr/Shirk nahin lagta keun kay woh aqeedah nahin. Sirf ilfaaz kay chun-neh mein ghalti huwi.

Mera asal maqsid is ko point out karnay ka yeh thah kay YOUTUBE PAR VIDEO CHARH KAR, aur woh bi kitaboon kay dehr laga kar kissi ki ISLAH NAHIN KEE JAATI. Agar mein ... KITABOON KA DEHR LAGA KAR ALLAMAH SAHIB KO TAWHEED KA LECTURE DOON ... Aqalmand logh kia tasur lenh gay? Yahi nah kay yeh kitaboon ka anbar dekha kar apni ilmi mutalia say dara raha heh? Istera video charh kar agar mein kahoon kay mein Islah kay wasteh khaloos e dill say yeh qadam utha raha hoon toh kohi aqal wala maneh ga. Janab izzat sab ko piyari heh ... deen Islam say bi logoon ko izzat piyari heh ... jin kay namoon kay saath SHAYKH UL ISLAM, Munazr e Islam, Imam ul-Munazireen, Professor,  Shaykh ul-Hadith, Allamah, Pir,  Pir e Qull, un logoon nay kabi bi ghalti tasleem nahin karni. Keun kay phir apnoon mein MOONH KALA KAR KAY GADDAY KAY UPPAR BATHA KAR ZALEEL HO JAHEN GAY ... Agar is maslay nay hal hona thah toh tareeqa aur saleeqa say ho jata ... Abh joh kanjoroon kay tarz par stage drama shoroon huwa heh ... is ka hal toh door qatal aam ka chance ziyada heh. Aur meri toh dua heh Allah ta'ala in donoon hastiyoon aur in kay hawariyoon ko aik hi bomb say ura deh, ameen. Ta-keh yeh Ahle Sunnat mein tafarrqa ko faroogh nah dekh sakken. Abh bil-farz Jibaraeel farishtoon ki fauj leh kar Faisalabad Jamia masjid kay uppar charh kar Allamah Saeed Assad kay moqif ki tardeed kar deh tab bi Allamah Sahib nay nahin manna.

Asal maqsid sirf Islah karna aur karwana hoti toh phir, Allamah Saeed Assad Sahib challenge nah detay, aur Allamah Asif Jalali Sahib qubul nah kartay, yeh sirf apnay mureedoon aur shagirdoon ko pakka karnay ka sab drama heh. Mureed aur Shagird ... aahaha Allamah Sahib nay challenge mara heh ... mera Peer ilm ka samundar heh ... ahaha kia dialouge mara heh ... wah, wah, wah, kia baat heh, ... dartay hen Allamah Sahib say challenge  kar leeya ... subhanallah brigade ko kush karnay wasteh yeh fasad dala heh in donoon nay. Agar islah karna aur karwani maqsood hoti toh YOUTUBE PAR CHALLENGE ... detay nah aur QUBUL KARTAY NAH. Yeh sirf fasad wasteh aur mureedon shagirdoon ko kush karnay wasteh stage show chala heh. Mera asal maqsid Allamah Asif Jalali Sahib ki khata ko point karnay ka yeh thah kay agar mein YOUTUBE PAR FATWAH SHIRK ... lagahoon ... toh kuch haal hota ya hoga ... batanay ka maqsid yeh thah kay yeh tariqa durust nahin ... keun kay nah Allamah Asif Jalali ki izzat heh is mein aur nah Allamah Saeed Assad Sahib ki.
 

Link to comment
Share on other sites

Aur agar mein YouTube par charh kar Shirk, Mushrik, banahoon aur munazra challenge, doon aur kitaboon ka dehr laga kar betha hoon, aur tanz karoon, aur Allamah Asif Jalali Sahib kay baja-hay ... tum nay Shirk keeya ... in ki kia izzat rehti ... Halan kay jis maslay ki taraf mein nay ungli uthahi heh ... yeh sirf Ahle Sunnat say Kharij nahin ... Islam say kharij karta heh ... aur agar Allamah Asif Jalali Sahib muj say likha hukum Kufr/Shirk mangen toh mein likh kar denay ko tiyar hoon ... yeh aisa qatti aur yaqeeni Kufr/Shirk heh. Allamah Asif Jalali Sahib nay us maslay par Allamah Saeed Assad ka adab ihtiram chor deeya jis par woh khud bi yeh Fatwah denay par tiyar nahin kay Allamah Sahib Ahle Sunnat say kharij hen. Joh ikhtilaf nah Ahle Sunnat say kharij karay, aur nah Islam say, us par aik jayyid Aalim ki khata Ijtihadi ki waja say ... tum ... tum ... ho rahi heh. Kuch toh aisay bey-lagam kuttay sabat huway joh Allamah Saeed Assad Sahib ko ghaali deh rahay hen youtube kay comment section par. Jistera Allamah Saeed Assad Sahib say ghalti huwi is'see tera Allamah Asif Jalali sahib say, balkay in ki ghalti ba-darja hazaar gunna bari heh, abh kia mein peechay parh jahoon. Mahaz bana loon ... ghaltiyan insaan karta heh ... Sahabah kiram mein shadeed ikhtilaf huwa ... peechay parh jahen sab kay ...

Joh Ahle Sunnat wasteh khidmat Allamah Ashraf Sialvi (rahimullah) aur joh Allamah Saeed Assad Sahib ki hen Allamah Asif Jalali aur nah in kay hawariyoon aur ustadoon mein kar sakka aur nah kar sakkay ga. Cha-yeh toh yeh thah kay in ki adab aur muhabbat say Islah ki jaati aur woh bi awaam samnay stage show laga kar nahin balkay jayyidi Ulamah ki majlis munaqqid ki jaati aur Allamah Sahib ko bulaya jata ya Ulamah khud haazir hotay aur parday mein sawal jawab aur ashkalat ka jawab detay aur letay. Aur teh kar letay kay joh faisla jayyid Ulamah denh gay us ko donoon partiyan qubul keren gi aur ainda us kay mutabiq amal hoga. Phir chance banta thah kay yeh masla hal jo jahay abh donoon ki pagriyoon parh awaam ka haath heh ... jis nay bi zarra si bi lachak dekhahi ya peechay hata toh awaam mein pagri uchalay gi nahin ... balkay pagri ko football kee tara latenh paren gi. Is waja say abh is nay hal nahin hona aur fasad nay bar jana heh. Pehlay jis maslay ko aik Allamah Saeed Assad bayan kartay thay is kay baad un kay supporteroon ki poori fauj bayan karay gi. Joh aik banday taq aur chand hawariyoon taq mehdood thah abh hazaroon aur lakhoon mein pehla heh aur yeh aur pehlay ga. Allamah Asif Jalali Sahib toh apni Allamah'iat ko chamka lenh gay ... aur wah wah ... munazr e Islam ... munazir e kull ... munazir e bey-misaal o lajawab ... qatil e imam ul-munazreen ... kay ilqab ko hasil ker lenh gay ... magr un ilqab ka kia faida ... joh hazaroon, lakhoon mein pehalwa kar hasil hoon. Abh is stage drama say lakhoon Sunniyoon Allamah Saeed Assad Sahib kay new ideas ka pata challay ga ... kuch maanh lenh gay aur kuch nahin ... agar un hazaroon lakhoon mein say das nay bi maan leeya toh Allamah Asif Jalali Sahib ko kia faida ... ilqabat ko kama kar ... hazaroon kay nazriyat ko dau par laga deeya  aur Ahle Sunnat kay asli nazria say door karwa deeya.

Mujjay bara dukh heh kay Allamah Ashraf Sialvi (rahimullah) aur Allamah Saeed Ahmad Assad sahib nay is masla par Maslak Sayyidi Ala Hadhrat (rahimullah) say door hen. Mein nay Sunni'at seekhi toh Allamah Saeed Assad kay bayanaat aur munazaroon say seeki. Aur mera dill say lagao inneeh kay saath heh magr Allamah Saeed Assad Sahib aur in kay ustad e moteram Allamah Ashraf Sialvi Sahib (rahimullah) ghalti par hen. Behtr hota yeh masla tareekeh say hal ho jata magr abh joh chawal baazian ho rahi hen fasad hi pehlay ga jis ka nuqsan sirf Ahle Sunnat ko heh. Kash jitna is maslay par josh jazba aur bayanaat aur taqreeren ho rahi hen aur munazroon kay challenge urh rahay hen ... agar yeh sab mil kar Deobandiyoon aur Wahhabiyoon kay khilaaf hota ... magr udhar maut heh.

Link to comment
Share on other sites

Mein kissi bi party ka banda nahin hoon, mein Sunniat ka banda hoon, party baazi ko kab ka chor deeya. Mein nay joh tanqeed ki woh party baazi mein nahin Sunniat kay faida nuqsan ki waja say ki. Yeh donoon hastiyan Ilm mein aur taqwa mein laakh darja muj say bari aur agay hen. Magr joh kuch yeh donoon kar rahay hen bilkul ghalat heh.

Link to comment
Share on other sites

  • 1 month later...
  • 2 months later...

Salam alaykum.

Kushkhabri Allamah Saeed Ahmad Assad nay ruju kar leeya heh ... un ki mulaqat aur guftgoo huwi heh jayyid Ulamah e Ahle Sunnat say jis ka nateeja yeh nikla heh kay unoon nay ruju kar leeya heh. Allah ta'ala in ko istiqamat aur in kay darajat buland karay ameen.

Link to comment
Share on other sites

بحث میں حصہ لیں

آپ ابھی پوسٹ کرکے بعد میں رجسٹر ہوسکتے ہیں۔ اگر آپ پہلے سے رجسٹرڈ ہیں تو سائن اِن کریں اور اپنے اکاؤنٹ سے پوسٹ کریں۔
نوٹ: آپ کی پوسٹ ناظم کی اجازت کے بعد نظر آئے گی۔

Guest
اس ٹاپک پر جواب دیں

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
  • حالیہ دیکھنے والے   0 اراکین

    • کوئی رجسٹرڈ رُکن اس صفحے کو نہیں دیکھ رہا
×
×
  • Create New...